ಕಾಣಿಯೂರು: ವಸಂತ ಹತ್ಯೆಯೋ, ಆತ್ಮಹತ್ಯೆಯೋ?
ಹಾಗೆಂದು ಕಳೆದ ವರ್ಷದ ಕೊನೆಯ ದಿನಗಳಲ್ಲಿ ನಿಗೂಢವಾಗಿ ತೀರಿಕೊಂಡ ಕಾಣಿಯೂರಿನ ಆಟೋ ಡ್ರೈವರ್ ವಸಂತನ ಸಾವಿನ ಬಗ್ಗೆ ಸಾವಿರ ಪ್ರಶ್ನೆಗಳು ಎದ್ದು ಕುಂತಿವೆ. ಆದರೆ ಉತ್ತರ ಮಾತ್ರ ಯಾವ ಪ್ರಶ್ನೆಗಳಿಗೂ ಸಿಗುತ್ತಿಲ್ಲ. ಬಿಸಿಯಾಗದೆ ಬೆಣ್ಣೆ ಕರಗದು ನಿಯಮದಡಿ ಪೋಲಿಸರು ಕೆಲಸ ಮಾಡಿದರೆ ಮಾತ್ರ ವಸಂತನ ಸಾವಿಗೆ ನ್ಯಾಯ ಸಿಗಬಹುದು. ಇಲ್ಲದಿದ್ದರೆ ಈ ಕೇಸೂ ಬೈತಡ್ಕ ಹಳ್ಳ ಹಿಡಿಯೋದು ಗ್ಯಾರೆಂಟಿ.
ಹಾಗೆಂದು ವಸಂತ ಸಾವಿಗೆ ಮೂಲ ಕಾರಣ ಒಂದು ವೀಡಿಯೋ. ಕಾಣಿಯೂರು ಅನಿಲದ ಹುಡುಗಿಯೊಬ್ಬಳ ಬೆತ್ತಲೆ ವೀಡಿಯೋ ವಸಂತನ ಮೊಬೈಲ್ ಗೆ ಬಂದಿದ್ದು ವಸಂತ ಅದನ್ನು ಯಾರಿಗೋ ತೋರಿಸಿ "ಇದು ಅವಳಲ್ವಾ" ಎಂದು ಕೇಳಿದ್ದ. ವಸಂತ ಕೇಳಿದ ಜನ ಈ ವಿಷಯವನ್ನು ಹುಡುಗಿ ಮನೆಯವರಿಗೆ ಹೋಗಿ ಚಾಡಿ ಹೇಳಿ ಚಾಂಡಾಲ ಕೆಲಸ ಮಾಡಿದ್ದರು. ಇದೇ ಕಾರಣಕ್ಕೆ ಹುಡುಗಿ ಕಡೆಯವರು ವಸಂತನ ಮೇಲೆ ದಂಡೆತ್ತಿ ಬಂದು ವಸಂತನಿಗೆ ಮಾರಾಣಾಂತಿಕ ಹಲ್ಲೆ ಕೂಡ ಮಾಡಿದ್ದರು. ಅಲ್ಲಿಗೆ ಆ ಕತೆ ಮುಗಿಸ ಬಹುದಿತ್ತು.
ಆದರೆ ಕತೆ ಮತ್ತೇ ಮುಂದುವರಿಸಲಾಯಿತು. ಡಿಸೆಂಬರ್ 27 ರಂದು ಮಧ್ಯಾಹ್ನ ತನಕ ಮನೆಯಲ್ಲಿ ಅಡಿಕೆ ಹೆಕ್ಕಿದ್ದ ವಸಂತ ನಂತರ ರಿಕ್ಷಾ ತಗೊಂಡು ಕಾಣಿಯೂರಿಗೆ ಹೋದವನು ನಂತರ ಕಾಣಿಯೂರು ಸಮೀಪದ ಎಲುವೆ ಎಂಬಲ್ಲಿ ಆತ್ಮಹತ್ಯೆ ಮಾಡಿಕೊಂಡ ರೀತಿಯಲ್ಲಿ ಶವವಾಗಿ ಸಿಕ್ಕಿದ್ದ. ಹಾಗಾದರೆ ವಸಂತ ಯಾಕೆ ಆತ್ಮಹತ್ಯೆ ಮಾಡಿಕೊಂಡ,? ವಸಂತನನ್ನು ಫಿನಿಷ್ ಮಾಡಲಾಯಿತಾ? ವಸಂತನ ಸಾವಿನ ಹಿಂದೆ ಈ ಕೆಳಗಿನ ಅಂಶಗಳನ್ನು ಪರಿಗಣಿಸಲೇ ಬೇಕಾಗಿದೆ. 1) ಅನಿಲದ ಹುಡುಗಿಯ ವೀಡಿಯೋ ಮಾಡಿದ ಮತ್ತು ಅದರಲ್ಲಿ ನಟಿಸಿದ್ದ ಹೀರೋ ಯಾರು? 2) ವೀಡಿಯೋ ವಸಂತನ ಮೊಬೈಲ್ ಗೆ ಹೇಗೆ ಬಂತು? ಕಳಿಸಿದ್ದು ಯಾರು? 3) ವೀಡಿಯೋ ಬಗ್ಗೆ ಒಮ್ಮೆ ವಸಂತನ ಮೇಲೆ ಹಲ್ಲೆ ನಡೆಸಿದ್ದ ಅನಿಲದ ಅಳಿಯನಿಗೆ ಯಾಕೆ ವಸಂತನನ್ನು ಕೊಲ್ಲುವಷ್ಟು ಕೋಪ?4) ಎಲುವೆಗೆ ವಸಂತ ಯಾರ ಬಾಡಿಗೆ ಹೋದದ್ದು? 5) ನಿರ್ಜನ ಪ್ರದೇಶದಲ್ಲಿ ವಸಂತನ ಮೊಬೈಲ್ ಎಳಕೊಂಡದ್ದು ಯಾರು? ಮತ್ತು ಆ ಮೊಬೈಲ್ ಈಗ ಯಾರಲ್ಲಿದೆ? 6) ವಸಂತನ ಚಪ್ಪಲ್ ಗಳ ಕತೆ ಏನು? 7) ಅನಿಲದ ಅಳಿಯನ ಬೆಂಡ್ ತೆಗೆಯುವವರು ಯಾರು? 8)ಅನಿಲದ ಹುಡುಗಿಯ ಕತೆ ಏನು? 9) ಒಮ್ಮೆ ಹಲ್ಲೆ ನಡೆಸಿದ ಪೆಟ್ಟಿಸ್ಟ್ ಗಳು ಮತ್ತೊಮ್ಮೆ ಕರೆದಾಗ ಯಾಕೆ ವಸಂತ ಅವರ ಜೊತೆ ಹೋದದ್ದು? 10) ಬೇರೆ ಯಾರಾದರೂ ವಸಂತನನ್ನು ಬಾಡಿಗೆ ಕರಕ್ಕೊಂಡು ಹೋಗಿ ಹಂತಕರ ಕೈಗೆ ಕೊಟ್ಟರಾ? 11) ಆತ್ಮಹತ್ಯೆ ಮಾಡಿ ಕೊಳ್ಳಲು ವಸಂತ ಹಗ್ಗ ರೆಡಿ ಮಾಡಿಕೊಂಡಿದ್ದನಾ? 12) ವಸಂತ ಆತ್ಮಹತ್ಯೆಯೇ ಮಾಡಿಕೊಳ್ಳುವು ದಿದ್ದರೆ ಅಣ್ಣನಿಗೆ ಕಾಲ್ ಮಾಡಿ ನನ್ನ ಮೊಬೈಲ್ ಯಾರೋ ಎಳೆದುಕೊಂಡಿದ್ದಾರೆ ಎಂದು ಯಾಕೆ ಹೇಳಿದ? 13) ವಸಂತನ ಮೊಬೈಲ್ ಎಳಕೊಂಡದ್ದು ಯಾರು? ಈ ಎಲ್ಲಾ ವಿಷಯಗಳನ್ನು ಪೋಲಿಸರು ಗಂಭೀರವಾಗಿ ಪರಿಗಣಿಸಲೇ ಬೇಕು. ಎಲ್ಲಕ್ಕಿಂತ ಮುಖ್ಯವಾಗಿ ಪೋಲಿಸರು ಅನಿಲದ ಅಳಿಯ ಮತ್ತು ಚಾಡಿ ಹೇಳಿದ ಚಾಂಡಾಲನ ಬೆಂಡ್ ತೆಗೆದರೆ ಸತ್ಯ ಹೊರ ಬರಲಿದೆ.
